ក្រចេះ៖ គូស្នេហ៍វ័យចំណាស់មួយគូដែលខាងប្រុសមានអាយុ ៦៦ឆ្នាំ ខាងស្រីអាយុ ៦៤ឆ្នាំ ដោយកាលពីក្មេងត្រូវបានរៀបការជំនាន់ ប៉ុល ពត ពុំមានពិធីត្រឹមត្រូវពេលនេះបានចាប់ដៃគ្នាចូលរោងជាថ្មីការផ្អើលខេត្តក្រចេះ។

អាពាហ៍ពិពាហ៍វ័យចំណាស់នេះត្រូវបានលោក ពាក់មី ដែលបានទៅថតកាត់សក់ការនោះថតបង្ហោះនៅថ្ងៃទី៩ ខែកុម្ភៈ ឆ្នាំ២០២៣ ឱ្យដឹងនៅលើបណ្ដាញសង្គមហ្វេសបុករបស់លោកថា គូស្នេហ៍មួយគូនេះស្រលាញ់គ្នា ៥៧ឆ្នាំមកហើយ នឹងជារឿងប្លែកមួយដែលលោកមិនធ្លាប់ជួបខណៈកូនកម្លាំងនិងកូនក្រមុំចាស់ជាម៉ែឪលោកទៀត។

លោកបាននិយាយក្នុងវីដេអូនោះថា៖ «ពុទ្ធោ! (កូនកម្លោះកូនក្រមុំ) បងឪអាពាក់មីទាំងអស់!»។

មិនត្រឹមតែកូនកម្លោះ កូនក្រមុំមានវ័យចំណាស់ទេ អ្នកកំដរទាំងប្រុសស្រីក៏មានអាយុមិនក្រោម ៦០ឆ្នាំផងដែរ ខណៈអ្នកកំដរខាងស្រីម្នាក់ដែលមានវ័យ ៦០ឆ្នាំជាងផងដែរថា អ្នកស្រីក៏នឹងរៀបអាពាហ៍ពិពាហ៍ជាថ្មីផងដែរ។

មនុស្សវ័យចំណាស់នៅកម្ពុជាជាច្រើនបានបាត់បង់ភាពសប្បាយរីករាយក្នុងវ័យយុវ័យរបស់គាត់ ដោយសារប្រទេសមានសង្គ្រាម ជួបការលំបាកជីវភាព ត្រូវរត់គេចពីតំបន់ដែលមានសង្គ្រាមអស់រយៈពេលជាច្រើនឆ្នាំ ទំរាំកម្ពុជារកបានសន្ដិភាពឡើងវិញក្នុងឆ្នាំ១៩៩៨ ហើយទំរាំពួកគាត់អាចកសាងជីវភាពឡើងវិញបាន ភាពយុវវ័យរបស់គាត់បានបាត់បង់អស់ទៅហើយ។

សន្ដិភាពដែលកម្ពុជាមានដូចបច្ចុប្បន្នបាននាំឱ្យជីវភាពរបស់គាត់ធូរធារឡើង គាត់អាចសល់ពេលទំនេរក្រោយពីលំបាកកសាងជីវភាពជាច្រើនឆ្នាំមកនេះរម្លឹកអតីតកាលយុវវ័យរបស់ខ្លួនឡើងវិញ អ្វីដែលខ្លួនចង់ធ្វើឡើងវិញ ដែលជាសញ្ញាបង្ហាញថាកម្ពុជាលែងជាប្រទេសហួសសម័យកាល ឬជាប្រទេសដែលញាំញីដោយសង្គ្រាមទៀតហើយ៕